घरेलु तथा साना उद्योग कार्यालय, अर्घाखाँचीको सामान्य जानकारी तथा परिचय:-
समुन्द्री सतहदेखि औषत (सबैभन्दा होचो र सबैभन्दा अग्लो भूभाग) करिब 13 सय मिटरको उचाईमा अवस्थित अर्घाखाँची जिल्ला 27 डिग्री 45 मि. उत्तरी अक्षांस देखि 28 डिग्री 6 मि. उत्तरी अक्षांस सम्म र 80 डिग्री 45 मि. पूर्वी देशान्तर देखि 83 डिग्री 23 मि. पूर्वी देशान्तर सम्म अवस्थित अर्घाखाँची जिल्लाको कूल क्षेत्रफल करिब 11 सय 93 व. कि. रहेको छ ।
महाभारत पर्वत श्रेणी, चुरे क्षेत्र तथा भावर क्षेत्र समेत रहेको यस क्षेत्रमा पहाड, वेशी, टार तथा केही समथर भुभाग समेत रहेको छ । वाह्रौं जनगणना 2078 अनुसार यस जिल्लाको जनसंख्या करिव 1 लाख 77 हजार 86 रहेको छ । घरेलु तथा साना उद्योग कार्यालय अर्घाखाँचीको स्थापना वि. सं. 2044 सालमा घरेलु तथा ग्रामिण उद्योग विकासका नामले स्थापना भएको हो । विभिन्न प्रकारका कालखण्ड पार गर्दै घरेलु तथा साना उद्योग विकास समिति हुँदै मुलुकको शासकीय स्वरुपको परिवर्तन संगै संघीय लोकतान्त्रिक गणतन्तत्रात्मक राज्य व्यवस्था अनुरुप संघ, प्रदेश र स्थानीय गरी तीन प्रकारको संघात्मक सरकारको व्यवस्था बमोजिम हालको घरेलु तथा साना उद्योग कार्यालय लुम्बिनी प्रदेश सरकार अन्तर्गत उद्योग, वाणिज्य तथा आपूर्ति मन्त्रालय र उद्योग वाणिज्य तथा उपभोक्ता हित संरक्षण निर्देशनालयको मातहतमा रहने गरी अर्घाखाँची जिल्लाको सदरमुका सन्धिखर्कमा वि. सं. 2076 सालमा स्थापना भएको हो ।
3 वटा नगरपालिका, ३ वटा गाउँपालिका गरी जम्मा 6 वटा स्थानीय तहमा कूल 61 वटा वडा रहेको यस कार्यालयको मुख्या सेवा क्षेत्रहरु हुन । लघु, घरेलु, साना तथा मझौला प्रकारका उद्योगहरु र वाणिज्य व्यवसायहरुको स्थापना तथा विकास गर्न कार्यालयले प्रशासनिक सेवा उपलब्ध गराउनुका साथै उद्योग तथा वाणिज्य फर्महरुको विकास र प्रवर्द्धनको लागि आवश्यकतामा आधारित प्रविधि तथा मेशिनरी औजारहरु प्रदान, सीपमूलक तालिमको सञ्चालन तथा स्तरोन्नति गर्दै आएको छ ।
सोंच:-
स्थानीय स्तरमा उपलब्ध साधन र स्रोतको उपयोग गरी विभिन्न प्रकारका उद्योग धन्दाको स्थापना, विकास र प्रवर्द्धन गर्ने र रोजगारीका अवसरहरु सृजना गरी बेरोजगारीको दर घटाई स्थानीय बेरोजगार युवाहरुलाई सीपमूलक र उद्यमशिलता तालिम प्रदान गरी उनिहरुलाई उद्यमशिल र विभिन्न ईलममा आवद्ध गराई गरिबी न्यूनिकरण र आयातलाई प्रतिस्थापन गरी निर्यातमा जोड दिने मूख्य सोंच रहेको छ ।